Kristen Nygaard har lenge tala varmt for at KK skal verte ei avis for
alle som stemte nei ved folkeavrøystinga. For å få til dette meiner
(eller i alle fall meinte) han at avisa må skifte namn og endre
formålsparagrafen. Sidan han er ein av frontfigurane no, vil eg ha svar
her eller i avisa på om dette er eit syn foreininga står for.
Det var det eine. Det andre er dette: Dersom avisa sitt ve og vel ligg
foreininga så hardt på hjarta, kvifor ikkje la pengane og diskusjonen om
avisa gå gjennom Klassekampens vener? Nestleiaren i RV seier at ein må
ha noko nytt, men KVIFOR seier ho ikkje. Kan dette tolkast annleis enn
at folka bak fondet ynskjer å byggje opp ein maktstruktur med kapital
for å kunne presse KK ved eit seinare høve?
At fondet dukka opp no, gjer at eg og stiller spørsmål om kor lurt det
er av AKP å gje frå seg eigarskapen til avisa.
Magnar Jarle Olsen