Kva slags prosjekt trur du på Sigurd Allern? Kva slags avis vil du at
Klassekampen skal vere, konkret utan å nytta deg av abstraksjonen "heile
venstresida si avis"? Er du samd med avisas formålsparagraf, om du er det
korleis meiner du avisa skal etterleve den? Kva slags framtidig
eigarstruktur ser du føre deg, som ut frå ditt syn ville være ideelt - eg
tenkjer her på eigar grupperinger? Til sist, men ikkje minst kven meinar du
er avisas viktigaste målgruppe?
Det er nokså karakteristisk for denne debatten at alle som støttar skifte
av redaktør, gjer det fordi dei ynskjer seg ei annleis avis - ei avis som
er tru mot sin eigen formålsparagraf. Kravet er ikkje nytt, debatten om at
avisa på nytt må bli eit politisk reiskap for folk har gått lenge. Mange
har slutta abonnere fordi dei har vert misnøgde med avisa, mange har slutta
verve abonnentar og selje avisa på gatene fordi dei ikkje lenger var nøgd
med den. Debattantane på denne sida har fleire gonger freista å få i gang
ein debatt om det politiske grunnlaget for avisa, men det ser ut til å vere
heilt nyttelaust. Det einaste ein oppnår er å bli møtt med sjikane,
håplause karakteristikkar o.l.. Det siste tilskotet av denne typen er
Allerns nyoppretta foreining for nokon av oss - "Foreningen Aksjelovens
Venner". Eg veit ikkje, men er det bakom dette eit ynskje frå Allerns si
side å få omdanna Klassekampen til ei anna selskapsform enn eit A/S - i
tilfelle til kva? Allerns private bladselskap? Nei, eg berre undrar.
Vørdsamt Olve Steinset