Sjølv gjekk eg som sagt ut av AKP i 1979. Eg var formann i eit
partilag i bygningsbransjen i Bergen, og heile laget melde seg ut, så
nær som ein person. Me var leie av å få trædt direktiv ned over
hovuda, me var leie av å stanga hovudet mot veggen, mot
sentralkomiteen med Steigan i spissen, som messa "demokratisk
sentralisme", men tvang partiet på "rett linje" kvar gong det var
diskusjonar og usemje på gang. Eg veit at Steigan ikkje har særleg til
overs for "forrædarane", men dei har ikkje særleg til overs for han
heller, eller for likemennene hans. I så måte er me kvitt. Men
"forrædarane" var også med på å byggje opp Klassekampen. Du skulle
ikkje hoppe så lett over det, Steigan.
AKParane lever i ei rar verd. Partiet er blitt så lite, og inkjevetta
at det mest ikkje er liv laga lenger. Likevel driv dei på som før, og
trur dei er store og viktige. Denne striden om Klassekampen er berre
krampetrekningar. Som eg sa tidlegare, seglar dei rett inn i
fjellveggen på denne måten. Det ville vera ille om dei tok avisa med
seg i dragsuget. Då ville det bli ørkenvandring!
Med helsing
Oddmund Garvik