[There is an English version of this page.]
Forskingsgruppa har sidan 1973 arbeidt med metodar for utnytting av energien i havbølgjene. To personar arbeider fast i gruppa (etter juni 1996), nemleg professor, dr.techn. Johannes Falnes og forskar, sivilingeniør Per Magne Lillebekken.
Sidan 1994 har gruppa samarbeidt med bedrifta Brødrene Langset AS om utvikling av eit fasestyrt bølgjekraftverk ("ConWEC").
HISTORIKK: Førsteamanuens Kjell Budal (1933-1989) tok i desember 1973 initiativet til bølgjekraftforskinga ved NTH, og Johannes Falnes var med i arbeidet frå starten. Per Magne Lillebekken har arbeidt i gruppa sidan 1980. Seks personar har teke graden doktor ingeniør (dr.ing.) i bølgjekraftforskinga ved NTH, nemleg Lars Christian Iversen i 1980, Åge Kyllingstad i 1982, Oddbjørn Malmo i 1984, Geirmund Oltedal i 1985, Arne Brendmo i 1995 og Håvard Eidsmoen i 1996. I tilknyting til dette forskingsarbeidet har dessutan 21 studentar fullført hovudoppgåva ("diplomen") i sivilingeniør-studiet. I bølgjekraftforskinga har denne gruppa gjort banebrytande arbeid som også er godt internasjonalt kjent, både når det gjeld grunnleggjande teoretisk arbeid og, kanskje særleg, prinsipp for optimal styring og fasestyring av bølgjekraftverk. I åra 1978-82 fekk forskings- og utviklingsarbeidet med bølgjekraftverk, etter måten mykje, finansiell støtte frå Olje- og energidepartementet. Den stor allmenne interessa for miljø- og ressursspørsmål i 1970-åra stilna etterkvart av, og samstundes gjekk oljeprisen ned. Då vart det etter 1982 vesentleg mindre med støtte til bølgjekraftforskinga. Gruppa har likevel greidd å halda i gang ein viss forskingsaktivitet og vedlikehald av vunnen kunnskap og kompetanse.
RAPPORTAR OG PUBLIKASJONAR
Ei særskild liste nemner
forfattarar av og titlar på vitskaplege
artiklar, rapportar og andre publikasjonar frå bølgjeenergigruppa.
Dessutan er følgjande artiklar/rapportar lagde ut i fullstendig
versjon på Internet:
"Energi frå havbølgjer før, no og sidan." Denne (1996-) artikkelen inneheld eit oversyn med litt historikk om bølgjekraftforskinga. Artikkelen, som har to figurar, er skriven med tanke på lesarar som ikkje er spesialistar. Til slutt i den artikkelen er ei liste med titlar på bøker med stoff om bølgjekraftverk.
"Prinsipp for opptak av energi frå
havbølgjer. Fasestyring og optimal svingerørsle."
Med å visa til illustrasjonar (seks figurar), men utan å bruka
matematikk, forklarer denne (1997-) artikkelen prinsippet for opptak av bølgjeenergi
med hjelp av eit svingesystem. Det er også forklart korleis systemet
skal svinga for at energiopptaket skal bli størst mogleg. Prinsippa
som er forklarte i denne artikkelen, har vore retningsgjevande for bølgjekraftforskinga
ved universitetet i Trondheim i meir enn tjue år. Artikkelen har 15
litteraturtilvisingar, og han er skriven med tanke på lesarar som
ikkje er spesialistar.
"Principles
for capture of energy from ocean waves. Phase control and optimum
oscillation." Engelsk versjon av den same (1997-)
artikkelen.
"Optimum control of oscillation of
wave-energy converters". Paper no. 2 in Annex Report B1 to
the JOULE project "Wave Energy Converters: Generic Technical
Evaluation Study". Contract no. JOU2-0003-DK between the Commission
of European Communities and Danish Wave Power aps. August 1993.
Denne
engelskspråklege publikasjonen er spreidd i heller få
eksemplar, så difor har vi lagt ut denne artikkelen på
Internet. Artikkelen, som gir eit oversyn over forskingsarbeidet (i 20-årsperioden
etter 1973) på optimal styring av bølgjekraftverk med tanke på
maksimalt energiuttak, er eigentlig skriven med tanke på lesarar som
er spesialistar, endå der er brukt svært lite matematikk.
Artikkelen er utan illustrasjonar, men har 39 litteraturtilvisingar.
"Simulation of a tight-moored
amplitude-limited heaving-buoy wave energy converter with phase control".
Denne lange (1996-) artikkelen, som inneheld 12 figurar, 7 tabellar, 28
litteraturtilvisingar og 18 nummererte matematiske formlar, er skriven på
engelsk med tanke på lesarar som er spesialistar. Artikkelen er ei
vidareføring og utviding av følgjande publiserte arbeid:
Eidsmoen,
H.: "Simulation of a heaving-buoy wave energy converter with phase
control". Proceedings of the Second European Wave Power Conference,
(redigert av Elliot, G. og Diamantaras, K.) Lisbon, Portugal, 8-10
November, 1995, European Commission ECSC-EC-EAEC, Brussels, pp 281-288,
1996. (ISBN 92-827-7492-9)
"Simulation of a slack-moored heaving-buoy wave energy converter with phase control". Denne lange (1996-) artikkelen, som inneheld 10 figurar, 13 tabellar, 34 litteraturtilvisingar og 19 nummererte matematiske formlar, er skriven på engelsk med tanke på lesarar som er spesialistar.
NTNU
FIM
Institutt for fysikk |
Ansvarlig for innhold: Johannes Falnes Teknisk ansvarlig: Lise Wohlen Sist oppdatert: 21. januar 1998 |
 |