Kløyvinga av AF

Roar Madsen (roar.madsen@hf.ntnu.no)
Sun, 19 Oct 1997 12:49:13 +0100

I går kom det fram at fire medlemsforeiningar i AF (tannlækjarar, juristar,
siviløkonomar, sivilingeniørar) legg planar
for å bryta ut or AF og gå saman med Lækjarforeininga om å danna ein ny
hovudorganisasjon. Ein slik organisasjon vil i
tilfelle ha omlag 77000 medlemer.

Det er grunn til å rekna med at grunnlaget for kløyvinga er sterk misnøye
med AF frå langtidsutdanna akademikarar og akademikargrupper
som tradisjonelt har hatt høgstatuspreg. I det siste lønsoppgjeret var AF
opp som ei løve og ned som ein skinnfell.

Spørsmåla mine til denne ordskifteglade forsamlinga er: Kva meiner "det
store me" om denne utviklinga - og bør me som er med
i AF gjennom andre medlemsforeiningar pressa på for å få våre foreiningar
til å gå med i den nye hovudorganisasjonen?

Sjølv hallar eg imot eit ja-svar på det siste spørsmålet, men eg inviterer
med dette til å få fram motførestillingar. Kven grip
utfordringa?

Med helsing
Roar Madsen
(medlem i forskarforbundet)
Roar Madsen
Historisk Institutt - NTNU
7055 DRAGVOLL
Telefon/phone + 73 59 81 15
Faks/fax + 73 59 64 41