Skifte mellom filar

Dersom ein har starta VI med ei liste av filar, vil kommandoen :n stenge den ståande fila og skifte til neste fil i fil-lista. I VI er det berre mulig å editere ei fil om gongen, det er alltid berre ei ståande fil. Ein kan tvinge VI til skifte fil med :n! dersom ein ikkje vil lagre endringane sidan forrige lagring. Dersom ein vil sjå namnet på ståande fil, kan ein bruke linje-kommandoen :f eller kommando-modus funksjonen CTRL-G . VI vil skrive ut filnamn og størrelse på siste linje.