Lagre filar

Linje-modus blir brukt for å lese inn og lagre filar mellom det interne tekst-bufferet og permanente filar i filsystemet. Bruk :w for å lagre fila. Ein vil vanlegvis gjere dette før ein avsluttar VI , men ver klar over at VI skriv over fila på disken. Det anbefales å lagre fila ganske ofte slik at ikkje editeringsfeil blir så katastrofale. VI utfører ikkje automatisk lagring eller sikkerhetskopiering medan ein arbeider med ei fil. Ein kan forandre filnamnet ved å angje eit stinamn etter :w:

:w nyttnamn.fil

Dette lagar ein ny fil med det nye namnet, VI vil gje ekko på kommandoen, f.eks :

:w nyttnamn.fil
"nyttnamn.fil" 12 lines, 593 characters

Denne meldinga vil kome fram på siste linje og erstatte :w-kommandoen. Dersom fila eksisterer allereie vil VI gje feilmelding og nekte å lagre ( vanlegvis, dette går an å konfigurere ! ).

:w nyttnamn.fil
"nyttnamn.fil" File exists - use "w! nyttnamn.fil" to overwrite

Ein kan tvinge VI til å overskrive fila uansett og øydelegge innholdet på den gamle fila ved å legge til ein ! etter :w, som opplyst i feilmeldinga. Dersom ein ikkje har tilgang til å forandre fil-innholdet vil VI gje denne feilmeldinga:

:w! nyttnamn.fil
"nyttnamn.fil" Permission denied

I dette tilfellet kan ein forandre rettighetane til fila ( dersom ein kan det ) eller skrive innholdet i bufferet til eit anna filnamn. Det går an å skrive berre ein del av bufferet ved å angje området av linjer som skal lagrast. Dette gjer ein ved å angje den første linja etter :, etterfølgd av eit komma, deretter siste linje som ønskjer å lagre:

:4,18w nyttnamn.fil

Berre linjer f.o.m 4 og t.o.m 18 vil bli lagra i fila, og det interne bufferet i VI vil vere uforandra. Ein kan kombinere lagre- og avslutte-operasjonen med kommandoen :

:wq nyttfilnamn.fil

Denne kommandoen lagrar innholdet i bufferet og returnerer til skallet. Frå kommando-modus kan ein også bruke kommandoen ZZ som eit synonym for :wq for å lagre innholdet og returnere til skallet.