Katalogstruktur og viktige katalogar

UNIX grupperer filane i hierarkiske katalogar ( engelsk: directory). På øverste nivå operer UNIX med begrepet rota ( engelsk: root) som blir representert ved tegnet ¨/¨.

UNIX har ei stor mengde kommandoar som ligg på kvar si fil. Desse kommandoane er fordelt på fleire katalogar. dei mest brukte er lokalisert på /bin og /usr/bin. Desse katalogane er som regel alltid med i den standard søkestien( jmfr. tidlegare omtale av  PATH). På /etc-katalogen ligg ein heil del systemfilar og administrative program.

Det som er av betydning for vanlige brukarar er heimekatalogen, denne brukar ein fritt innanfor dei grensene som finst tilgjengeleg i form av fysisk diskplass. Det som er viktig å merke seg er at alle brukarane deler på den diskplassen som er tilgjengeleg. Dersom ein brukar meir plass enn det ein har lov til, vil det berre gå ut over andre brukarar, tommelfinger-regel nr 1: Vis hensyn !.

Ein vanleg brukar får vanlegvis lov til å lese det meste, men får berre lov til å skrive på sin eigen heime-katalog og på temporære katalogar. Desse temporære katalogane blir stort sett brukt som kladdekatalogar for program eller programsystem. Felles for alle desse katalogane er at dei heiter tmp, eksempel: /tmp, /usr/tmp ...

Dei viktigaste katalogane:

• [/etc] I denne katalogen ligg ein del systemadministrasjons-filar og konfigurasjonsfilar, særleg for nettverk. Dei fleste overordna programma for nettverk ligg også her. Ein vil også finne passord-fila på denne katalogen.
• [/bin] Katalogen innheld dei fleste brukar-kommandoane.
• [/dev] Inneheld alle enhets-filane, dvs. dei filane som gjev tilgang til skrivarar, portar, diskar, taper,terminalar ...osv.
• [/usr] Alle filar som er ein del av systemet men som ikkje er kritiske for at systemet skal kunne kjøyre. Her vil det ligge brukar-aplikasjonar som f.eks akkurat denne UNIX-varianten understøttar. Eksempel på programvare som kan ligge under /usr er kompilatorar og vindus-system.
• [/usr/bin] Hjelpeprogram for brukarane.
• [/usr/lib] Filar med støtte-funksjonar som globale bibliotek, oppsett av post-program, skrivarar ....
• [/usr/local] Som regel blir alle lokale tilpasninger lagt under denne katalogen, dvs. alt som ikkje er standard UNIX skal eigentleg ligge her. Det kan vere spesiell konfigurasjon, spesielle program, ...osv.
• [/tmp] Denne temporære katalogen kan brukast som midlertidig lagring av filar. Alle brukarar har tilgang til denne katalogen og dei fleste program under UNIX som treng kladdeområde legg kladde-filane sine på denne katalogen. Dette er ikkje ein trygg stad å legge filar,- her er det fritt fram for å slette filar for alle brukarar, og dersom maskina ¨går¨ ned vil innholdet på denne katalogen bli sletta under oppkjøyring av systemet. (Alle UNIX-system vil starte med ¨blanke¨ ark når dei skal opp og gå,- derfor slettar alltid UNIX alle temporære filar som ligg igjen frå tidlegare).