Komprimering av filar

Ein kan redusere størrelsen på filar som ein brukar lite ved å komprimere dei. Dermed vil ein spare ein del diskplass. På UNIX finst det ein del standard-program som kan redusere størrelsen på filer mellom 30 og 50 prosent. Den einaste halen med desse programma er at filane må pakkast opp igjen før dei kan brukast. Dei fleste system tilbyr to program compress  og pack  som kan komprimere filar, og uncompress og unpack som kan pakke dei ut igjen. Desse programma er forskjellige, dvs. dei brukar forskjellige algoritmer for å pakke saman filane slik at ein kan ikkje bruke unpack for å pakke opp ei fil som er pakka med compress.

zevs# ls -l locus.txt
-rw-r-r-		1		trondk		20916		Jan 22 11:34 locus.txt
zevs# compress locus.txt
zevs# ls -l locus.txt.Z
-rw-r-r-		1		trondk		      8969		 Jan 22 11:34 locus.txt.Z
zevs#

Programmet compress tek ei liste av filnamn som parameter og produserer ein komprimert versjon av kvar fil. Programmet forandrar også filnamnet ved å legge .Z til filnamnet. Derfor, dersom ein har ei granse på 14 tegn i filnamn, kan ein berre pakke filar med 12 tegn i filnamnet. Programmet pack er ein del år eldre, men blir fortsatt brukt ein del. Kommandoen pack tek ei liste av filnamn som parameter og produserer ein komprimert versjon av kvar fil.

zevs# pack locus.txt
pack: locus.txt: 34.3% Compression
zevs#

Programmet forandrar namnet på fila ved å legge .z til på slutten av filnamnet. Også dette programmet kan ikkje pakke filar med meir enn 12 tegn i filnamnet dersom ein opererer med ei grense på 14 tegn i filnamn. Programmet unpack  fungerer på same måte som uncompress ,- dvs. pakke opp filane og lagre dei i sin opprinnelege form. Dei fleste vil foretrekke compress fordi dette programmet klarar som regel å lage mindre filar enn pack. Desse kommandoane er som regel standard på alle system,- i tillegg finst det eit gratis pakke-program som heiter gzip ,- filane frå dette programmet endar som regel på .gz. Oppakking skjer med kommandoen gunzip . Dette siste programet er å foretrekke framfor compress og pack fordi det pakkar betre og har fleire mulighetar.