Kommandoen set

Korn skallet inneheld mange opsjonar som kan forandre oppførselen til skallet for å tilpasse det til eigne preferansar. Desse opsjonane kan studerast og forandrast med kommandoen set. Det finst ei rekke med opsjonar som er dokumentert i man-sidene   for ksh. No vil eg berre gå gjennom dei viktigaste og dei som eg anser som dei mest nyttige.

$ set -n
$

Instruerer ksh til å lese kommandoar i skall-program og sjekke dei for feil,- men ikkje eksekvere kommandoane. Denne opsjonen vert ignorert for interaktive skall. For å resette til opprinneleg modus:  

$ set +n
$

Generelt kan vi seie at ein opsjon vert sett dersom argumentet startar med -,- og resett dersom argumentet startar med +.

$ set -a
$

Dette medfører at alle miljø-variable som etter dette blir definert,- vil automatisk bli eksportert. ( Vanlegvis må ein bruke export  ,- jmfr. omtale av miljø-variable ).  

$ set -v
$

Denne opsjonen kallar ein verbose,- denn medfører at ksh vil skrive ut kvar kommando i eit skall-program etter kvart som den vert utført. Denne opsjonen kan vere veldig nyttig for å avluse skall-program.  

$ set -m
$

Når denne opsjonen er sett vil ksh informere om at ein bakgrunnsjobb er ferdig. Dette kan ofte vere nyttig,- særleg dersom ein må vente på ein bakgrunnsjobb før å få gjort noko anna.

Den andre typen set-kommandoar er kommandoar som direkte kontrollerer interaktive sesjonar. Desse kommandoane har gjerne formen:  

set -o opsjon

der opsjon er ein av følgande typar:

$ set -o ignoreeof
$

Dette vil føre til at skallet vil ignorere CTRL-D  , og dermed sikre ein mot at ein ikkje vil bli utlogga dersom ein trykker CTRL-D ved ein misforståelse. Når ignoreeof er sett, må ein bruke exit   for å logge ut.

$ set -o noclobber
$

Denne kommandoen vil passe på at ikkje redirigerings operatoren > ikkje vil trunkere ei eksisterande fil. Dette kan vere veldig nyttig for å fange opp misforståelsar og ta vare på filar som ellers ville ha vorte overskrevne.

Ein kan bruke:

$ set -o emacs
$

eller

$ set -o vi
$

for å overstyre miljø-variabelen VISUAL og forandre modus for kommando-linje editering.

$ set -o bgnice
$

Denne vert sett for å la alle bakgrunn-jobbar kjøyre med lavare prioritet enn vanleg. Opsjonen bgnice er som standard sett,- slik at opsjonen må slåast av dersom bakgrunnsjobbar skal ha normal prioritet.