Kommandoen ps

Ein kan kikke på kjøyrande prosessar med kommandoen ps ( prosess status ). Denne kommandoen viser informasjon om prosessar som er i live når ein eksekverer kommandoen. Dersom ein kjøyrer kommandoen fleire gongar etter kvarrandre vil den produsere forskjellig informasjon for kvar gong,- ps tek berre eit bilete av aktiviteten akkurat når ps vert kjøyrt. Dersom ein kjøyrer denne kommandoen utan parametre vil den vise eigne prosessar.

PID TT STAT TIME COMMAND

21559 p0 IW 0:01 -csh (csh)

21674 p0 IW 0:00 xcalc

21682 p0 S 0:15 xeyes

21699 p0 IW 0:03 vi kurs.tex

21712 p1 S 0:00 -csh (csh)

21949 p1 R 0:00 ps zevs%

I første kolonne der det står PID (Process IDentificator) er denne unike prosess-identifikatoren. Neste kolonne det det stå TT betyr kva for port/terminal inngong prosessen tilhøyrer. STAT betyr status på prosessen,- dersom vi ser på den første kommandoen csh så har den status IW, dette betyr Idle og Swapped out,- altså for øyeblikket ikkje aktiv og kasta ut av minnet( Dette er eigentleg ikkje så viktig,- det har igrunn også liten praktisk betydning for brukarane). TIME fortel tidsforbruket for denne kommandoen både for brukar, CPU og systemadministrasjon. COMMAND skulle vel vere sjølvforklarande. Dessverre så er denne kommandoen veldig forskjellig på BSD i forhold til System V når det gjeld opsjonar. Ein få stort sett ut dei same opplysningane, men opsjonane er heilt forskjellige for å få lista ut dei same opplysningane. Det vil ta altfor lang tid å forklare alle mulighetar derfor vil eg berre henvise til man-sidene, det skulle gå an å få noko fornuftig ut av dei. Så lenge vi skal berre stoppe våre eigne prosessar er det nok å få tak i prosess-identiteten og det vil ein klare berre ved å skrive ps. Det er mykje meir informasjon rundt ein prosess enn det som kom fram i denne listinga. Til dette har vi mellom anna -f-opsjon under System V og -u-opsjon under BSD.

USER PID %CPU %MEM SZ RSS TT STAT START TIME COMMAND

trondk 12644 13.6 2.9 76 420 p2 S 13:26 0:00 sh -c ps -u

trondk 11668 0.0 0.0 88 p2 IW 08:21 0:01 -csh (csh)

trondk 12492 0.0 2.5 240 368 p2 S 13:08 0:05 vi +/foreldre og barn ku

trondk 12338 0.0 0.0 88 p4 IW 12:37 0:00 -csh (csh)

trondk 12657 0.0 2.8 176 400 p2 R 13:26 0:00 ps -u

trondk 12016 0.0 0.0 608 p2 IW 11:10 0:03 xdvi kurs zevs%

Med fare for å bli veldig teknisk kan eg prøve å forklare kva dette står for.

USER				Namnet på eigar av prosessen.
PID				Prosess identiteten.
%CPU				Bruk av prosessortid.
%MEM				Antal prosent av minne som vert brukt av prosessen.
SZ				Størrelsen av data-segment og stakk-segment.
RSS				Størrelse i minnet i antal Kb.
TT				Terminal.
STAT				Tilstand for prosessen.
START				Tidspunkt for når prosessen vart starta.
COMMAND				Kommando-linja for prosessen.

Denne kommandoen vart utført på ei maskin med BSD-UNIX,- ein vil finne igjen dei same opplysningane dersom ein utfører ein tilsvarande kommando på System V.