Bakgrunnsprosessar

Kommandoen nice vil ein assosiere med kommandoar som ein kjøyrer i bakgrunnen frå skallet. Dette betyr at skallet er tilgjengeleg sjølv om ein kommando kjøyrer, slik at ein kan kjøyre andre kommandoar på samstundes. Skallet brukar operatoren &  for å la ein eksekvere kommandoar i bakgrunnen.

zevs% cat /etc/passwd &

I dette tilfellet legg vi kommandoen i bakgrunnen, likevel vil utdataene bli skrevne ut på skjermen fordi vi ikkje har redirigert standard ut. Når ein brukar & for kjøyre ein kommando vil skallet returnere med ein gong og vente på din neste kommando. Skallet returnerer eit prosess-nummer eller pid  ( dette refererer til eit engelsk uttrykk som blir mykje brukt i UNIX: Process ID ), dette kan brukast for å referere til bakgrunnsprosessen.

zevs% cat /etc/passwd &
7843
zevs%

Vi skal gå igjennom meininga med prosess-nummer seinare i kapitlet. Vanlegvis vil ein redirigere standard inn   og standard ut   for kommandoar som kjoyrer i bakgrunnen, slik at ein ikkje blir skjermbildet ikkje blir forstyrra av bakgrunnsprosessar.

zevs% cat /etc/passwd > passwd.kopi & 
7834
zevs%

Ein vil i tillegg redirigere standard feil også, fordi den vil også kome til terminalen sjølv om standard ut er redirigert.

zevs% cat /etc/passwd > passwd.kopi 2>feil.ut &
6342
zevs%

UNIX let ein lage så mange bakgrunnsjobbar som ein berre vil,- blir det for mange vil ein merke at det blir dårelegare responstider. Når ein bakgrunnsprosess er ferdig vil ikkje systemet fortelle at kommandoen er ferdig,- dette må ein finne sjølv. Ein kan sjekke statusen på bakgrunnsprosessar med kommandoen ps , denne skal vi kome tilbake til i dette kapitlet.