Om prioritetsklasser

Vanlegvis vil alle prosessar ha lik prioritet, det vil seie at alle har lik rett på prosessortid. I UNIX finst det verktøy for å endre prioriteten på prosessar som ein opprettar. I nyare versjonar av UNIX, som f.eks System V Release 4, finst det to separate klasser der prioriteten kan endrast separat. Tidsdelings prioriteten er for vanlege brukar-applikasjonar, denne vil eg gå igjennom. Ei ny sanntids prioritet har også vorte oppretta. Sanntidsprioritet har endeleg gitt UNIX muligheten til å bli brukt i applikasjonar som krev fast og hurtig respons. Ein kan manipulere prioriteten på prosessane separat i kvar klasse, men sanntidsprosessar   vil alltid få prosessortid før tidsdelingsprosessar.