Kva gjer UNIX ?

UNIX  har alle funksjonane som eg nemnde i forrige underkapittel, men det som gjer UNIX litt spesiell er at UNIX er eit fleirbrukar og fleirprosess operativsystem, noko som gjer at den utnyttar maskin-ressursane maksimalt. I UNIX har altså kvar bruker muligheten til å kjøre fleire prosessar eller program samstundes,- det MÅ ein også ha anledning til ellers ville ikkje UNIX ha fungert !.

UNIX består av ein kjerne  og eit stort antall program. Kvar av desse programma utfører ein begrensa funksjon, men er laga for å fungere saman. Dette gjer at ein kan utføre enkle små kommandoar, f.eks kjøyre eit program om gongen, eller bygge opp avanserte kommandoar med mange program som kjøyrer samstundes, dette siste kallast på UNIX-terminologi for røyrlegging  eller (på engelsk piping ). I tillegg har også UNIX veldig sterke sider når det gjeld nettverk og kommunikasjon.