Sæle jolekveldSæle jolekveld! Englar høgtid held, syng i dag den same songen som dei song den fyrste gongen yver Betlehem: Sjå, din Frelsar kjem! Sæle jolekveld! I vårt låge tjeld vil no Jesus heimvist taka, so hans brøder små kan smaka her på jord den fred som Guds englar gled. Sæle jolekveld! Ned i daudens dæld liv som dogg um morgon laver; Då me sat imillom graver gruvande og gret, himmeln upp seg lét. Sæle jolekveld! Du det under veld, at me små kann glade mæla høgt um liv og fred og sæla, som Guds barnekor frå den frelste jord. Sæle jolekveld! Lat ein heilag eld stiga høgt i logar klåre upp ifrå vår låge åre, brenna i kvart bu høgt i takk og tru! Sæle jolekveld! Englar høgtid held, lovar Gud for dei fekk kveda ut på jord den store gleda. Syng då alle med, jord og himmel kved! Elias Blix |
HTML-utforming ved Herman Ranes. Dersom du hev merknader eller framlegg til endringar, kann du senda e-post åt <herman.ranes@hist.no>.